Pica pica

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Garza
Garza (Pica pica)
Estato de conservación
Seguro.
Clasificación scientifica
Dominio: Eukaryota Reino: Animalia Filo: Chordata Clase: Aves Orden: Passeriformes Familia: Corvidae Chenero: Pica Especie: P. pica
Nomenclatura binominal
Pica pica
Linnaeus, 1758

A garza u picaraza^[1] (Pica pica (L., 1758)) ye un muixón d'a familia d'es corvidos con a cabeza, coda y patas caracteristicament de color negra, mientres que lo vientre el tien de color blanca. A coda ye tamién singularment larga.

As plumas d'a suya coda y alas pueden manifestar brilors azulencas u verdas pendendo d'a luz. As alas son curtas y arrondoladas per as ripas. Tien un caracteristico grito que diz cha-cha-cha-cha, que en es polletz se manifiesta mes como chilo. Per tanto, son d'es pocos corvidos que no grallan.

Ye un muixón de fácil identificar y muito abundant. Se puet trobar dende a Peninsula Iberica enta l'Extremo Orient, con poblacions encara en America d'o Norte d'una subespecie semellant, y también en o norte d'Africa. As suyas midas van entre es 40 y es 45 cm de longaria, plegando enta 60 cm d'amplaria d'as alas.

Una d'as trazas mes conoixitas d'es masclos d'istes animals ye la suya falaguera de cullir obchectos brilants en l'epoca de celo suyo, emplegando-los ta rondar as fembras con éls. También éls ponen en o suyo niedo, que ye caracteristicament redondo, feto con un ret de brancas y palos.

1. ↑ (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p.129